مقالات إيهاب ماجد

صحيح علمانى

صحيح علمانى (كافر) !!

متدين اوى حب ينصح زميله العلمانى (الكافر) قاله

بقولك عاوز اكلمك شوية عن ربنا وعن الدين بتاعنا رد عليه العلمانى

عاوزنى اعرف عن دينك وعن اللى بتعبده ؟

خلينى اشوفك فى شغلك ؟

عاوز اسمع بيقولوا ايه عنك ؟

ازاى بتعامل زمايلك فى الشغل ؟

ازاى ىبتساعدهم على النجاح ؟

طب ازاى بتكسب فلوسك ؟

وازاى بتصرفها ؟

طب اقولك خلينى اشوفك فى بيتك

ازاى بتعامل مراتك ؟

هل هل ترفق بها ؟

بتعاملها كأنسانة زيك زيها ؟

ولا أقولك ازاى بتربى ولادك ؟

بتعلمهم يحبوا الأخر ؟

اقولك طب خلينى اشوفك بين الناس

عاوز اشوفك وسط جيرانك ؟

ازاى بتخدمهم ؟

ازاى بتراعى حقوقهم ؟

ازاى بتقوم بواجباتك تجاهم ؟

طيب ازاى بتتعامل مع الناس فى الشارع ؟

طيب ازاى بتبيع وتشترى ؟

طيب خلينى اسمع لغتك وطريقتك فى الحوار

خلينى اشوفك وقت غضبك ونرفزتك ؟

بتعرف تسامح بتعرف تغفر بتعرف تعفو ؟

خلينى اشوفك وانت محتاج

بتشكر بتحمد ربنا فى كل حال؟

خلينى اشوفك وانت فى قوتك

بترحم بتفتكر قدرة ربنا عليك ، بتتواضع ؟

مش عاوز اسمعك ....

عاوز اشوفك ....

وانا هعرف لوحدى دينك ايه وبتعبد مين

فالدين المعاملة

أرنى إيمانك بأعمالك